Гісторыя справы

Дзе Зьміцер Завадзкі?

Вось ужо многія гады ані сям’я, ані сябры, ані грамадзкасьць нічога ня ведаюць пра лёс зьніклага ў Менску 7 ліпеня 2000 году апэратара Грамадзкага расейскага тэлебачаньня, грамадзяніна Беларусі Зьмітра Завадзкага. За гэтыя гады былі тысячы публікацыяў у розных сродках масавай інфармацыі аб тых вэрсіях, якія маглі стаць прычынай яго зьнікненьня, але ніхто так да канца і ня здолеў даць дакладнага адказу на пытаньне “Дзе Зьміцер Завадзкі?”, “Чаму гэта зь ім адбылося?” і “Хто галоўны заказчык ягонага зьнікненьня?”.

Мы пастараліся сабраць тую сапраўды рэальную інфармацыю, якая была ў прэсе, і дапамагчы прадставіць аб’ектыўную карціну таго зьнікненьня.